قلها ثاني قل احبك من جديد

قل وصرح واجهر بحبي لك

لا يهمك من عذول لك يبيد

ودي اسمع كلمتك واسكن هواك

لاتخاف اهواك لي حبل الوريد

حبك بدمي وهجرانك هلاك

مايهم اشرح وافضفض بالقصيد

وافهم اني ما انقص من غلاك

كل خوفي تبتعد ادري عنيد

وادري انك بالحنان الله كساك

لاتقول انساك في حبك ازيد

وما كتبت الشعر الا في غلاك

وماعطيت القلب الا لك اكيد

ولا افكر يوم اتعمد اذاك

ياعسى ربي يحقق مانريد

ومايمر الوقت في لحظة جفاك

هذا حبي لك يعبره النشيد

ولاتطيع القول من هذا وذاك

طيعني لاتكون عن قلبي بعيد

انت لي حاكم وانا بحبك ملاك

لاتهد الي بنيته ولا تعيد

كسر خاطر من تعنى في رضاك

ادري ان العاطفه فيني تقيد

واشهد اني ضعت في عالم فضاك

بس احبك قولها اي من جديد

وانسى هم الكون وخله وراك

وســ ـــلامتــكــ ــمــ